أرشيف | ديسمبر, 2012

ستة سبعة…

29 ديسمبر

غريبه كتير الذكريات الأولى من الحياة، واضحة ودراماتيكية كأنك عم تحضر فيلم… بتخيل شريط الحياة اللي بيحكوا عنّو لما الواحد بدو يموت، بالنسبه لالي بكون أول ست أو سبع سنين من حياتي، كنت أنا وعقلي بس، عقلي الحقيقي قبل ما يشوف صور كتير ويسمع، قبل ما يحب أشياء لدرجة البكاء، وينقهر من العالم برضه لحد البكاء.

هاد كان أنا… من دون إضافات ولا تجارب، لمّا كان الخيال يساوي الحقيقة.